Жаңалықтар

Көктем — табиғаттың оянып, жаңаратын сәті. Шабыт пен гүлдену уақыты. Бұл мезгіл – сұлулық, тазалық, жылулық, жарық және махаббат сыйлайтын кез. Сондықтан, өзіңіз бен өз денсаулығыңызға ерекше назар аударыңыз!

Баршаңызды көптен күткен көктемнің басталуымен шын жүректен құттықтаймыз! Сіздерге мықты денсаулық, сарқылмас күш-қуат және көтеріңкі көңіл-күй тілейміз!

26 ақпан Алматы қаласында «Қайырымдылық керуені» байқауының жеңімпаздарын марапаттау рәсімі өтті. Байқау ұйымдастырушылары Нұрсұлтан Назарбаев қоры, Іскер әйелдер қауымдастығы, «Оқжетпес» ЕСК» АҚ, “Хабар” Агенттігі және “КТК” телеарнасы. Іс-шараға Нұрсұлтан Назарбаев қорының директоры Дариға Назарбаева, Алматы қаласының әкімі Бақытжан Сағынтаев және «Оқжетпес» ЕСК АҚ Президенті Қайрат Беркінбаев қатысты.

Қайырымды іс жасап жүрген жандарды қолдау мақсатында өткен байқау осымен үшінші жыл қатарынан өтіп жатыр. Жеті номинация бойынша үздік деп танылған жеті жеңімпаздың басты сыйлығы – «Оқжетпес» шипажайына 5 күндік жолдама.

Жобаға қатысушылардың мейірімді жүрегі, жарқын әрекеттері, жанқиярлығы мен қайырымды істері үлкен құрмет пен таңданыс сезімін тудыратыны сөзсіз.

Барша жеңімпаздарды «Оқжетпес» шипажайы атынан шын жүректен құттықтаймыз! Сауықтыру демалысында жүздескенше!

Өткен аптада «Оқжетпес» Бурабай шипажайының бірнеше қызметкері: Тамақтану қызметінің меңгерушісі – Житниковская Елена Станиславовна, тамақтану қызметі залының меңгерушісі – Жанысбаева Майра Муратовна және қоғаммен байланыс жөніндегі ресми өкілі – Дина Ораз Алматы қаласындағы «Almaty Resort» филиалында іссапарда болды.

Іссапардың мақсаты: Мейрамхана қызметін ұйымдастыруда және ұсынуда тәжірибе алмасу. Осыған байланысты, ертең (25 ақпан) @okzhetpes.borovoe ресми аккаунты шипажайдың асханасы бойынша онлайн-тур өткізеді. Парақшаға тіркелуді ұмытпаңыз!

Тарихи шипажайымыздың 55 жылдығына орай, Stan.kz ақпараттық порталы «Оқжетпес» емдеу-сауықтыру кешені жайлы ауқымды мақала жариялады. Онда шипажай тарихы мен Президентінің соңғы жетістіктер мен жаңалықтары туралы берген сұхбаты жазылған.

Толық нұсқасын төмендегі сілтеме арқылы оқи аласыздар:

https://stan.kz/eurospa-standarti-boyinsha-uzdik-dep-tanilgan-okzhetpes-342495/

«Шипажай мәзірі @okzhetpes.borovoe -те кеңестік кезеңнің сапасы мен дәмін, күнделікті рационға оңай қосуға болатын қарапайым мәзірді сақтап қалған. Келесі күнге мәзірден тағамдарды таңдау әдісі біз үшін әсіресе қызықты болды. Күнделікті «Оқжетпес» асханасы тағы не ұсынады?» – деген қызығушылықпен әр күнді ерекше күтіп жүрдік. Әрине, олар да таңқалдырудан шаршамады. Әсіресе, тьаңғы асқа дайындаған ботқалардың дәмі тіпті ерекше.

Біз қанша дәмді таңғы астың рецептін сұрасақ та, бізге күлімсіреп, сыры мынада: «Сіздер үшін сүйіспеншілікпен дайындаймыз», – дейтін. Көп рақмет саған, Оқжетпес!»

@ElenaLev76 парақшасынан келген пікірден үзінді.

Жылы сөздеріңіз үшін алғыс айта отырып, сізді тағы да күтеміз!

Біз үшін ең бастысы – қонақтарымыздың қаупсіздігі! Шипажайымыздың 20 қызметкері короновирусқа қарсы екпе салдырды. Екінші компонент қазірше 5 наурызға жоспарлануда.

Вакцинация туралы: Екпені бірінші кезекте халықтың жекелеген топтары – медицина қызметкерлері, полицейлер, әскери қызметшілер және т.б. өтеді. Вакцинациялауға профилактикалық егуге қарсы көрсетілімдері жоқ адамдар жіберіледі. Вакцинация алдында дәрігердің міндетті тексерісі жүргізіледі.

Айта кету керек, вакцинация коронавирустың одан әрі таралуына жол бермейді және елде қатаң локдаунды енгізудің жалғыз баламасы болып табылады.

«Оқжетпес» ЕСК» АҚ Президенті Беркінбаев Қайрат Шерәліұлы коронавирусқа қарсы вакцина салдырды. Екпеден кейінгі жағдайы және екінші компонентін қашан алатыны туралы Facebook желісіндегі жеке парақшасында бөлісті.

Тікелей сілтеме: https://www.facebook.com/100054442563369/posts/211297094028375/?d=n

Қымыздың емдік қасиеттері бұрыннан белгілі. Бұл дәрумендердің, микроэлементтердің қоймасы ғана емес, қымызбен емдеу қандағы гемоглобиннің құрамын арттырады және қанның лейкоциттік формуласын жақсартады.

Қымыздың арқасында ағзаның әртүрлі ауруға төтеп беруін қамтамасыз ететін және сауығуға ықпал ететін иммундық ахуалы түзеледі.

Біздің шипажайда барлық қонақтар күнделікті осы емдік сусынды қосымша сауықтыру құралы ретінде қабылдай алады. Ол бесіндік ас кезінде беріледі. Қымызбен емдеу тәсілі шипажайда 2002 жылдан бері қолданылады және оны күн сайын “Қарабауыр” ауылының қосалқы шаруашылығынан алып келеді. Балғын әрі ерекше дәмді қымызды қонақтардың барлығы жақсы көреді.

Сіз де дәмін көргіңіз келе ме? Онда бізге міндетті түрде қонаққа келіңіз!

Сіздерге біздің қонақтар арасында үлкен сұранысқа ие топ-5 бірегей емшаралар тізімін ұсынбақпыз:

Тұз шахтасы

Тұз бөлмесіндегі 1 сеанс = теңізде өткізген 1 күнмен тең. Біздің тұз бөлмесіндегі қабырғалар, төбелер мен едендер табиғи тұз блоктарымен қапталған. Тұз бөлмесінің бүкіл құрылымы емдік ауаны біркелкі қамтамасыз етеді.

Радонды су

«Оқжетпестегі» радон ауыз су көзі экзема, нейродермит, псориаз және т. б. сияқты ауруларды тиімді емдеуге көмектеседі.

Инфрақызыл сауна

Инфрақызыл саунада шлактар, майлар мен токсиндер әдеттегіден 4 есе тез шығады. Бұл терлеудің жоғарылауын тудырады, соның арқасында токсиндер мен шлактардан дене тазаруы белсенді жүреді.

Балшықпен емдеу

Емдік балшықпен орау организмнен токсиндерді кетіруге көмектеседі. Тыртықтар мен созылу белгілерін едәуір жақсартады, целлюлитті “дақтарды” жоюға және терінің серпімділігі мен нәзік реңін қайтарады.

Терренкур (емдік серуен)

Терренкурлар арқылы Бурабай көлінің бойымен, көрікті жағалаумен серуендеп, Кенесары үңгіріне жетуге болатын соқпаққа шығады. Емдік серуен үшін арнайы жол жасалған.

Сіздерді сауықтыру демалысында күтеміз!

+7(716 36) 78-101

+7(702)059 20 20

Биыл «Оқжетпес» үшінші рет «Қайырымдылық керуені» байқауының бас демеушісі.

Байқау жыл сайын өткізіледі, ұйымдастырушылар – Нұрсұлтан Назарбаев Қоры, Қазақстанның іскер әйелдер қауымдастығы, ҚР Президенті Іс Басқармасы Медициналық орталығының “Оқжетпес “ЕСК” АҚ, “Хабар” Агенттігі, республикалық “КТК” телеарнасы.

ІІІ республикалық “Мейірімділік керуені” байқауы – Азаматтық бастамаларды жандандыруға және қайырымдылықты насихаттауға, өзара көмек көрсету дәстүрлерін жаңғыртуға бағытталған. Жақсы істер жасаған немесе қайырымдылық көмек көрсеткен адамдар жыл сайын қатысуға өтініш бере алады.

«Оқжетпес» шипажайының қоғаммен байланыс жөніндегі өкілі төрешілер отырысына қатысып, лауреаттарды бірге таңдады. Жеңімпаздар алғыс айту күнін мерекелеу қарсаңында 26 ақпанда Алматы қаласында марапатталады. Жеңімпаздар 7 номинация бойынша анықталады. Әр жеңімпазға «Оқжетпес» емдеу-сауықтыру кешеніне жолдама табыс етіледі.