with the terms of the booking rules agree

ЩБКА жиналысы

5 маусымда Бурабай ауданында аймақтың туристік кластер өкілдерімен Ақмола облысы әкімінің кездесуі өтті.

Бұл іс-шараның мақсаты Ақмола облысының бірегей туристік әлеуетін алға тарту, Қазақстанның туристік компанияларының өзара іскерлік байланыстарын кеңейту және туристік бизнестің өзекті сұрақтары мен мәселелерін талқылау. Кездесуді Ақмола облысының Әкімі Мәлик Мұрзалин сәлемдесу сөзбен ашты. Өңір  басшысы ЩБКА-ны дамыту жоспары мен перспективасы туралы егжей-тегжейлі әңгімеледі.

Бұдан әрі біріккен санаторийлерді таныстырумен «Оқжетпес» ЕСК» АҚ-ның өкілі сөз сөйледі. Осы іс-шараға аймақтың демалыс және орналастыру нысандарының көптеген өкілдері қатысты.

07.06.2018

4 маусым — Қазақстан Республикасының мемлекеттік рәміздері күні

«Мемлекеттік рәміздер біздің мемлекетіміздің, егемендігіміздің берік негіздерінің бірі болып табылады. 2007 жылғы 4 маусымда «Қазақстан Республикасының мемлекеттік рәміздері туралы» Конституциялық заң қабылданды. Осы Заңға сәйкес 4 маусымда жыл сайын Қазақстан Республикасында мемлекеттік рәміздер күні атап өтіледі.

АО “ЛОК “Оқжетпес” ЕСК» АҚ ұжымының жұмыс күні  Қазақстан Республикасының мемлекетік әнұранын орындаудан басталды.

Барлық қазақстандықтарға шын жүректен өркендеу пен ашық аспан тілейміз! Қазақстанның халқының бірлігін бейнелейтін еліміздің көгілдір түсті туы мақтанышпен желбірей берсін!

04.06.2018

1 маусым – Халықаралық балаларды қорғау күні

«Оқжетпес» ЕСК» АҚ Сіздерді Балаларды қорғау күнімен құттықтайды!

Ұлы  классик Жан-Жак Руссо айтқандай: балалық шақты сүйіңдер – балалық шақ – бал шақ. Балалық шақтың бал дәмін сезінген бұл кездің ең бақытты шақ екенін ұмытпайық. Бара-бара, есейген кезде сол балдәурен балалық шағымызды сағынатынымыз белгілі.

«Бала туғанда ақ қағаздай тап таза болады, оның үстіне шимайда қалай салсаң, қағаз бетіне солай түседі, бала тәрбиесі де солай сияқты, өзің қалай тәрбиелесең ол солай тәрбиеленеді». Олар – біздің болашағымыз, балалардың балалық шағын өз жастарына сай ұйымдастырып, жүзеге асыру біздің негізгі міндетіміз.

Біздің емдеу-сауықтыру кешенімізде демалыс кезінде сіздің балаларыңыздың денсаулығы мен өмірі үшін барлық жағдай жасалған.

Әрине, баланың сенімді қорғанышы – бұл салауатты, тату-тәтті және мықты отбасы. Мемлекет отбасын және отбасылық құндылықтарды нығайту, аналықты қорғау, баланың өмір сүру құқығын қамтамасыз ету үшін көп нәрсе істеп келеді.

Осы керемет мерекелеріңізбен біздің ыстық құттықтау лебізімізді қабыл алыңыздар! Бұл күн бәрімізге қуаныш әкеліп, ересектердің жауапкершілігін арттыра түссін! Сіздерге денсаулық, табыс пен тыныштық тілейміз!

31.05.2018

Энергетикалық салаға арналған АВВ семинары

«Оқжетпес» АҚ-да «АВВ» серіктестік семинары өткізілді. Қатысқандар: «Станция электр желілері» департаменті басшысы Д. Байструков, Қытайдан, Ресейден, Германиядан АВВ зауыттарының өкілдері, сондай-ақ Самрұқ Энерго, «AЖK», «Қазцинк», «Aстан Рэk», «Keгок», «Қазақмыс» және т.б.

Семинар энергетикалық жүйелердегі АВВ жабдықтарын пайдалану тақырыбында өткізілді. Компания қызметкерлері оның құрылымы мен функционалдық мүмкіндіктері туралы егжей-тегжейлі айтып берді, сондай-ақ қызмет көрсету мәселелеріне ерекше көңіл бөлді.

Семинарға жобалау, пайдалану және реттеу ұйымдарының атынан 48 адам қатысты. Жаңа өнімдерді тікелей енгізу және жабдықтарды ұсынудан басқа, іс-шараның көпшілігі «сұрақ-жауап» түрінде, сондай-ақ достық әңгіме және тәжірибе алмасу түрінде өтті. Семинар барысында қатысушылар спикерлермен белсенді араласып, іс жүзінде қызықтырған барлық сұрақтарын қойды.

Біз әріптестермен тәжірибе алмасуға, көптеген қызықты және жаңа нәрселерді үйренуге болатын іс-шараларды өткізуге қуаныштымыз.

18.05.2018

9 Мамыр – ЖЕҢІС КҮНІ

Құрметті ардагерлер-жеңімпаздар «Оқжетпес» ЕСК» АҚ Сіздерді Жеңіс күнімен шын жүректен құттықтайды!

Бұл ұмтылмас ұлы күн Отанын қорғаған адамдардың ерлігі, батылдығы мен қаһармандығын білдіреді. Бұл ата-бабаларымыздың даңқын арттыру үшін, соғыссыз бейбітшілік үшін күресуге шақыру!

Отанға деген адалдық пен мінсіз қызмет етудің символы болып табылатын Ұлы Отан соғысы ардагерлеріне ризашылығымызды білдіреміз.

Тәуелсіз еліміздегі бейбітшілік пен тыныштық өмір үшін Сіздерге алғыс айтамыз! Мықты денсаулық, ұзақ ғұмыр тілейміз!

Бүгінгі күні сіздің немерелеріңіз мен шөберелеріңіз сіздердің істеріңізді жалғастыруға лайық, олар да елдің қорғаныс қабілетін нығайтуға өз үлестерін қосады.

Осы күнді еске алу біздің халқымыздың ортақ жаудың алдында бірігуге , қиын күреске қарсы тұруға және фашизм әлемін жоюға мүмкіндік беретін ескерту болсын.

Батырларымыздың арқасында  біз бейбіт аспан астында өмір сүріп жатырмыз, олардың ерлік істерін ешқашан ұмытпаймыз!

09.05.2018

«Оқжетпес» ЕСК» АҚ қызметкерлері ардагерлерді Жеңіс күнімен құттықтады

Соғыс күндері неғұрлым артта қалған сайын, сол күндердің куәгерлері соғұрлым азайып барады, сондықтан соғыс пен Жеңісті есте сақтау біз үшін өте маңызды.

9 мамыр қарсаңында «Оқжетпес» ЕСК» АҚ қызметкерлері Ұлы Отан соғысының ардагерлерін Жеңіс күнімен дәстүрлі түрде құттықтады. Салтанат иелеріне махаббатқа толы шексіз алғыс сөздер айтылып, құттықтау қағаздары мен брендті сыйлықтар, сондай-ақ азық-түлік өнімдерінің сыйлық жиынтықтары ұсынылды.

Бурабай ауданы бойынша 11 ардагер-майдангер қалды. «Оқжетпес» ЕСК» АҚ «Ешкім де еш нәрсе ұмытылмайды!» атты жыл сайынғы салтанатты дәстүрін жалғастыруда.

Санаторийдің қызметкерлері дәстүрлі түрде ардагерлердің үйлерін аралады:

  • Тарасова Вера Ивановна;
  • Садчикова Нина Петровна;
  • Анна Безрученко Никаноровна;
  • Бакарасова Екатерина Андреевна.

Біз осы қасиетті, ұмытылмас естеліктерді әрдайым есте сақтап, бағалаймыз.

Біз өзімізді осындай бейбіт өмірге жеткізіп, тамаша, жаңа елордада ұрпақ өсіруге мүмкіндік әперген аталарымыз бен әкелеріміздің ерлігі алдында басымызды иеміз.

Барлық қазақстандықтарды осы тамаша мерекемен шын жүректен құттықтаймыз!

04.05.2018

7 мамыр – Отан қорғаушылар күні

Оқжетпес» ЕСК»АҚ Сіздерді мемлекеттік мереке – Отан қорғаушылар күнімен құттықтайды!

Отан қорғаушылар күні – біздің еліміздің Қарулы Күштерінің туған күнінің мерейтойы. Елбасы- Жоғарғы Бас қолбасшы Н.Ә.Назарбаевтың басшылығымен Қарулы күштер әскери дайындық мен жабдықталудың жоғары деңгейіне қол жеткізді. Отан қорғаушылар әрдайым құрмет пен ерліктің, батырлық пен қайсарлықтың, патриоттық және өз халқына мінсіз қызмет көрсетудің көрінісі болған.

Қазақстандықтар біздің Отанымыздың еркіндігі мен тәуелсіздігі үшін өмірін қиған барлық батырлардың ерліктерін мәңгі есте сақтайды.

«Оқжетпес» ЕСК »АҚ ұжымы барлықтарыңызға мықты денсаулық, төзімділік пен табандылық, күш-қуат пен мейірімділік, ерлік пен шыдамдылық, барлық істеріңізге жетістіктер тілейді!

Бұл ерлік пен батылдық мерекесі әрдайым бейбітшілік пен қуаныш әкелсін!

Ортақ үйіміз – Қазақстан Республикасында әрдайымда тыныштық болсын, еліміз өкендей берсін!

02.05.2018

1 мамыр – Қазақстан халықтарының бірлігі күні

«Оқжетпес» ЕСК» АҚ ұжымы Сіздерді 1-мамыр Қазақстан халықтарының бірлігі күнімен құттықтайды!

Біздің Қазақстан – 150-ден астам ұлттар мен ұлыстар өмір сүретін көп ұлтты мемлекет. Ұлтаралық келісімнің сақталуы – басқа халықтарға, мәдениеттер мен діндерге ашық және төзімді болуды білдіреді. Біздің бірлігіміз – болашақ табыстарымыздың кепілі!

Тәуелсіз Қазақстанның барлық жетістіктері мен табыстары ең алдымен, барлық қазақстандықтардың ұлттық және діни көзқарастарына қарамастан ұлы және ажырамас достықтың нәтижесі.

Осы есте қаларлық, әдемі, мамыр мерекесімен шын жүректен құттықтаймыз! Әрбір үйде бақыт пен байлық, қуаныш пен сәттілік, күш пен қуат, махаббат пен сүйіспеншілік мол болсын. Жүректеріңіз мейірімділікке, өзара түсіністік пен жылылыққа және қуанышқа толы болсын!

Сіздерге және отбастарыңызға арман-мақсатқа жеткізетін шығармашылық табыстар тілейміз!

Туған жеріміз бейбіт аспан астында өркендей берсін!

30.04.2018

Волейбол бойынша жарыс

Астанадағы «Алатау» спорт кешенінде салауатты өмір салтын насихаттау мақсатында Қазақстан халықтарының бірлігі күнін мерекелеу қарсаңында Қазақстан Республикасы Президенті Іс Басқармасы Медицина орталығының ұйымдары арасында «Отанымыздың астанасының 20 жылдығына арналған «волейбол турнирі» өтті.

Бұл жарыстың ұйымдастырушысы «Оқжетпес» ЕСК» АҚ болды. Турнирдің қорытындысы бойынша «Оқжетпес» ЕСК» АҚ командасы құрметті 3-ші орынға ие болды!

29.04.2018

«ШИПАЖАЙ-2018» Халықаралық ғылыми-практикалық форум

Астана қаласында 24-25 сәуірде «Салтанат сарайы» қабылдау үйінде Қазақстан Республикасы Президенті Іс Басқармасы мен Қазақстан Республикасы Денсаулық сақтау министрлігінің қолдауымен «Рухани жаңғыру» бағдарламасы аясында «Шипажай-2018» үшінші халықаралық ғылыми-тәжірибелік форум өтті.

Бұл оқиға Астана қаласының 20 жылдығына орайластырылған. Бұл іс-шараның бас демеушісі болған  «Оқжетпес» ЕСК» АҚ біріккен санаторийлердің брендтік өнімдерінің көрмесін көрсетті.

Талқылау тақырыбы – Қазақстандағы санаториялық-курорттық саланың даму келешектері. Форумға Әзірбайжан, Германия, Македония, Біріккен Араб Әмірліктері, Ресей, Словакия және Чехиядан келген бальнеология мамандары қатысты. Әркім белгілі бір мәселелерді және оларды шешудегі өз көзқарастарын білдірді.

«ШИПАЖАЙ-2018» форумы санаториялық-курорттық емдеу, медициналық оңалту және туризм саласындағы озық технологияларды дамыту бойынша жыл сайын тәжірибе алмасуға арналған алаң болып табылады.Жұмыс нәтижесінде атқарушы органдармен және қоғамдық бірлестіктермен бірлесе отырып саланы одан әрі дамыту туралы шешім қабылданды.

25.04.2018
Booking Online payment