ҚАРА ЖИДЕК

Жидектер – теріні тазартуда маңызды рөл атқаратын антиоксиданттардың бай көзі. Сонымен қатар, олар көптеген талшықтардан тұратындықтан жеңіл-желпі тамақтану үшін таптырмайтын өнім.

ЖАҢҒАҚТАР

Мырыш пен селен сияқты минералдардың тапшылығы жиі безеудің пайда болуына әкеледі. Жаңғақтар – әсіресе асқабақ тұқымы және Бразилия жаңғақтары – осындай қиындықтарды болдырмауға көмектеседі. Селен жұқпалы аурулармен күресетін ақ қан клеткаларының өндірісіне жауап береді, ал E дәрумені, мыс, магний, марганец, калий, кальций және темір терінің қорғаныс функцияларын сақтау үшін аса қажет.

ҚЫЗАНАҚ

Томаттарда коллагенді өндіруге қатысатын С дәрумені, сондай-ақ ликопин – шырынды жемістерге түс беріп қана қоймай, метаболизм процестерін ынталандыратын қызыл пигмент бар.

ҚЫЗЫЛ ЖҮЗІМ

Қызыл жүзім – дәлірек оның сүйектері – псориаз және экзема сияқты қабынулармен жақсы күресетін антиоксиданттар мен химиялық қосылыстардың көп мөлшерін қамтиды. Ол сондай-ақ антигистаминдік қасиеттерге ие және терілерде аллергиялық реакцияларды жоюға көмектеседі.

ҚЫЗЫЛША

Қызылша шырыны – өте күшті бояғыш болып табылады, бірақ таза тері үшін күресетіндерге таптырмайтын құрал. Қызылша шырыны А дәруменіне, калийге, натрийге, кальцийге, магнийге және Е дәруменіне бай – және бұл коктейль терінің сыртқы қабығы үшін өте пайдалы. Токсиндерді денеден шығарудан басқа, бұл тамыржемістің тағы бір жағымды қасиеті бар: қызылша қандағы холестерин деңгейін төмендетеді.

САРЫМСАҚ

Сарымсақтың құрамында аллицин деп аталатын зат бар, ол қорытылғаннан кейін қанға түсіп, ағзаның қорғаныс қызметтерін белсендіреді, соның ішінде терінің вирустары және қабынуларымен тамаша күреседі. Сонымен қатар ол антиоксиданттарға өте бай. Сарымсақтан барынша мол пайда алу үшін оны салатпен немесе ыстық тағамдармен шикілей жеу керек.