Жаңалықтар

Бүгін ҚР Президентінің Іс Басқарушысы Айбек Арқабайұлы Дәдебаев шипажай ұжымымен кездесті.
Кездесу барысында қызметкерлеріміз толғандырған сұрақтарын қойып, ой-пікірлерімен бөлісіп, біршама мәселелерін ортаға салып, басшылық тарапынан жауап алды.
Сонымен қатар кездесуге ПІБ Медициналық орталығының басшысы мен Ақмола облысы әкімінің орынбасары қатысты.
Шипажайымыздың жұмысымен танысып, бізбен жүздесуге келген Президент Іс Басқарушысы Айбек Арқабайұлы Дәдебаев пен басқарманың барша қызметкерлеріне алғысымызды білдіреміз!

Бүгін біздің шипажайда қонақтар өз таңдауын жасады.
Таңертеңгі сағат 7-ден бастап біз барлық сайлаушылар үшін өз есігімізді аштық. Өз дауысын беруге келген алғашқы дауыс беруші Жақсыбай Маутов есімді қонағымыз болды. Ең алғаш өзінің азаматтық борышын орындаған қонаымызға өз тарапымыздан естелік кәдесый табысталды. Сондай-ақ, бүгін дауыс берген ең соңғы адам да естелік сыйлығымызға ие болады.
Қазіргі уақытта біздің санаторий қонақтарының арасында 158 адам дауыс берді. Біз өз болашағымызды таңдауда жауапты көзқарас танытқан азаматтарымызды мақтан тұтамыз!

Бүгін «Оқжетпес» емдеу сауықтыру кешенінің қызметкерлері Мемлекеттік рәміздер күніне орай әнұранымызды орындап, Бурабай тауының бөктерінде көк байрағымызды ұлықтау мақсатында шеруге қатысты.
Биыл рәміздер күніне 30 жыл. Мемлекеттік әнұранымыз шырқала берсін, көк байрағымыз көгімізде желбірей берсін, ал елтаңбамыз қашан да еңселі болсын!

Бүгін «Оқжетпес» шипажайында «Құлыншақ» қайырымдылық қорының қамқорлығындағы 160 бала мен ата-ана қонақта болды.

Ерекше балалар үшін шипажай қызметкерлері дастархан жайып, шағын концерттік бағдарлама ұйымдастырды. Онымен қоса, Халықаралық балаларды қорғау күніне орай шағын сыйлықтар табысталды.

Халықаралық балаларды қорғау күніне орай «Оқжетпес» шипажайында кешеннің кішкентай қонақтарына арналған мерекелік күн өтті.
Мереке 10:00-де «Көңілді старт» бағдарламасымен басталды. Тимбилдинг: спорттық ойындар, эстафета;
– «Асфальттағы түрлі-түсті әлем» суреттер байқауы;
– «Ало, біз таланттарды іздейміз» шығармашылық концерті;
– Ертегі және мультипликациялық кейіпкерлердің қатысуымен «Бақытты балалық шақ» анимациялық бағдарламасы, – Флеш-моб
– Аниматорлармен фотосессия
– Балаларға базарлық – балмұздақ таратылып, белсенді балақайлар мараппаталды.
16:00-ден бастап, ойын-сауық бағдарламасы басталды.
– Аниматорлармен белсенді ойындар
– Би жарыстары
– Аквагрим
– Қызықты байқаулар
– «Көңілді карусель» эстафетасымен жалғасты.
18:00-де Мультфильм көрсетілімі өтті.
Ал, 20:00-де «Super star» балалар караокесімен аяқталды.
Балалар бақытты болса, біз де бақыттымыз!

Ароматерапия және музыкалық терапия арқылы оңалту. Бұл терапия шипажайдың жасыл аймағында орналасқан киіз үйде өткізіледі. Онда сіз табиғатпен бірлікті сезініп, жайлылықты сезініп, демала аласыз.
Киіз үйде сізді жайлы дивандар мен креслолар, жағымды тыныштандыратын музыка, жеке құлаққаптар мен жағымды хош иіс күтеді.
Біздің ұлттық тұрғын үйіміздің әсемдігі мен Бурабайдың сөз жетпес табиғаты нағыз үйлесімділік. Бұл, әрине, адамның эмоционалды және физикалық жағдайына оң әсер етеді.

Тамақтану – бұл емдеу процесінің маңызды компоненттерінің бірі. Сондықтан біз сіздер үшін дұрыс тамақтануды ұйымдастыруда ерекше назар аударамыз.⠀
Біздің емдеу-сауықтыру кешенінде төрт мезгіл тамақтану режимі, сондай-ақ қымыз қабылдау рәсімі ұйымдастырылған. Медициналық көрсеткіштер бойынша жиі тамақтануды қажет ететін қонақтар үшін дәрігерлердің тағайындауы бойынша қосымша тамақтану белгіленеді немесе жеке тамақтану тәртібі тағайындалады.
Сіздерге ыңғайлы болуы үшін өз таңдауыңыз арқылы келесі күні алдын-ала тапсырыс беру жүйесін қолданамыз. Тамақтану жиілігі емдік кезеңге және диетолог тағайындаған диетаға байланысты төрт, бес немесе алты рет болуы мүмкін.
Тамақтану тұру құнына кіреді, ал мәзір әр түрлі және оны өзіңіз таңдай аласыз.
Сіздерді сауықтыру демалысына күтеміз!
+7(702)059 20 20

Заманауи медицина соңғы жылдары қарқынды алға жылжып, ағзаны емдеудің көптеген түрлері пайда болды. Бүгін біз сіздерге ультрадыбыспен емдеу туралы ақпарат дайындадық.
Ультрадыбыстың адам ағзасына қабынуға қарсы, анальгетикалық, қалпына келтіретін, десенсибилизаторлық әсері бар.
Ультрадыбысты қолдана отырып, теріге ультрафонофорез препараттарын енгізуге болады.
Біздің шипажайда ультрадыбыстық емдеу ағзаның көптеген ауруларына қарсы қолданылады, мысалы, артрит немесе артроз, гинекологиялық, урологиялық аурулар, жарақаттар, перифериялық жүйке жүйесінің аурулары және т.б.
Өз денсаулығыңызға қамқор болыңыз, сауықтыру демалысында кездескенше!

Біздің шипажай Щучье-Бурабай курорттық аймағында орналасқан. Бұл біздің еліміздегі бірегей аймақ.
⠀
Себебі, мұнда кешенді емдеудің маңызды құрамдары жинақталған: «Май-Балық» көлінің бірегей минералды суы, Балпаш-Сор көлінің балшығы, меншікті радонды бұлақ көзі, оның ішінде ауыз су, қымызбен емдеу пантамен емдеу бар.
Бурабайдың саф ауасы, қарағайлы орманы – мұның бәрі адам ағзасына тек пайдалы әсерін тигізеді.
Климаттық терапия арқылы біздің кешенде төмендегі ауруларды алдын алып, емделеді:
• Жүрек-тамыр жүйесі;
• Тыныс алу органдары;
• Ас қорыту;
• Эндокринді жүйе және зат алмасу;
• Урологиялық және гинекологиялық аурулар;
• Жүйке жүйесі.
Күйбең тіршіліктен бір сәт демалып, сауықтыру шараларынан өткіңіз келсе, бізге келіңіз!

Бүгін Халықаралық медбикелер күні. Еліміздің және біздің шипажайдың медбикелерін кәсіби мерекемен шын жүректен құттықтаймыз!
Бүгін әлеуметтік желідегі парақшаларымыздың барлық шығарылымдарын сіздерге арнаймыз! Сіздерге деген ерекше құрметпен, «Оқжетпес»!