Жаңалықтар

Біздің шипажай аумағында енді жас жұбайлар өміріндегі ең керемет сәтін атап өте алады.

Бурабайдың саф ауасы, ерекше табиғаты, шипажайдың шипалы әрі әдемі маңайы, дәмді тағамдар, ән мен би – мұның бәрін бізбен бірге ұйымдастыра аласыздар.

 

 

Байланыс үшін: +7702-059-2020

«Оқжетпес» ЕСК АҚ «ШИПАЖАЙ-2023» VIII Халықаралық ғылыми-практикалық форумына қатысты.

Форум санаторийлік-курорттық саладағы қазақстандық және халықаралық сарапшыларды, ғылыми-зерттеу институттарының, оңалту орталықтарының, санаторий мекемелерінің, фармацевтикалық компаниялар мен медициналық жабдықтардың өндірушілерін біріктіреді.

Форумға қатысушылар санаторийлік-курорттық емдеуді ұйымдастыру, үздік практикаларды қолдану мәселелері бойынша тиімді диалог пен тәжірибе алмасуды көрсетеді, санаторийлік-курортттық саладағы ұйымдастырушылық, кадрлық, зияткерлік және ғылыми мәселелерді нәтижелі талқылайды.

Форумға біздің шипажайлар да қатысып, іс-шара барысында емдеу-сауықтыру кешенінің жұмыстарымен танысып, білікті дәрігерлеріміз пайдалы ақпараттарымен бөлісті.

«Оқжетпес» емдеу-сауықтыру кешенінде шипажайдың демалушыларына арналған коворкинг аймағының жобасы аяқталды.

 

Шипажайда қазір демалушылар кітап оқып қана қоймай, жұмыс істей алатын жеке аймақ бар. Компьютер, тегін WiFi, көптеген кітаптар – мұнда кез келген адам демалып, кітап оқып, компьютерде жұмыс істей алады.

• Кітапхананы осы аймаққа көшіру есебінен, келесі қадам “Ок, kids club” заманауи балалар аймағын құра отырып, шипажайдағы балалар бөлмесін жаңарту жоспарлануда.

Біздің шипажай қонақтарына тірек-қимыл аппаратының қызметін жақсартуға және дененің жалпы профилактикасына бағытталған емдік дене шынықтыру кешендерін ұсынуға асықпыз.

 

• метаболизм процестері белсендіріледі;
• қан айналымы жақсарады;
• тыныс алу жүйесі жаттығады;
• терінің серпімділігі жоғарылайды, тонусы жоғарылайды;
• денеден зиянды қосылыстарды кетіретін лимфа ағыны қалыпқа келеді;
• целлюлит жойылады;
• қуаныш гормондарының синтезі жоғарылайды, бұл созылмалы шаршау синдромы мен депрессияны жояды;
• төзімділік артады.

Таңғы гимнастика күн сайын 10:30-да шипажай алаңында өтеді. Жүздескенше!

Бүгін барша қонақтарымызды танымал жазушы Дулат Исабековпен өтетін кешке шақырамыз!

Дулат Исабеков – жазушы, драматург, Қазақстан Республикасы Мемлекеттік сыйлығының иегері, Қазақстанның Еңбек Ері.

20:30-да шипажай конференц-залында жүздескенше!

Қымыздың емдік қасиеттері бұрыннан белгілі. Бұл дәрумендердің, микроэлементтердің қоймасы ғана емес, қымызбен емдеу қандағы гемоглобиннің құрамын арттырады және қанның лейкоциттік формуласын жақсартады.

Қымыздың арқасында ағзаның әртүрлі ауруға төтеп беруін қамтамасыз ететін және сауығуға ықпал ететін иммундық ахуалы түзеледі.

Біздің шипажайда барлық қонақтар күнделікті осы емдік сусынды қосымша сауықтыру құралы ретінде қабылдай алады. Ол бесіндік ас кезінде беріледі. Қымызбен емдеу тәсілі шипажайда 2002 жылдан бері қолданылады және оны күн сайын «Қарабауыр» ауылының қосалқы шаруашылығынан алып келеді. Балғын әрі ерекше дәмді қымызды қонақтардың барлығы жақсы көреді.

Сіз де дәмін көргіңіз келе ме? Онда бізге міндетті түрде қонаққа келіңіз!

«Оқжетпес» ЕСК» АҚ Астана күнімен шын жүректен құттықтайды!

Бүгінгі таңда Астана – әлемдегі ең әдемі және жас астаналардың бірі. Ол өзіне әртүрлі елдерден туристер мен қонақтарды тартады, ірі халықаралық іс-шаралар мен маңызды оқиғалардың орталығы болып отыр. Астананың бейбіт атмосферасы қайталанбас архитектуралық көрініспен, Шығыс пен Батыстың ғасырлар бойы қалыптасқан дәстүрлерімен, Қазақстан халқының мәдениеті мен салтының барлық байлығымен ұштастырылады.

Осы маңызды мерекемен құттықтауымызды қабыл алыңыздар! Біздің елордамыз гүлдене берсін, әр отбасының өмірі қуанышты оқиғаларға, шаттық пен болашаққа деген нық сенімге толы болсын!

Сіздерге зор денсаулық, мол табыс пен бақыт тілейміз!

Құрметті шипажай қонақтары! Баршаңызды 7 шілде, елорда күніне орай өтетін мерекелік іс-шараға шақырамыз! Кеш қонағы еліміздің танымал шоқ жұлдызы, әнші – Бейбіт Қорған.
Мерекелік кеш шипажай аумағында кешкі 20:30-да өтеді.
Көріскенше!

Ұлттық құндылықтарды дәріптеу арқылы ағзаны сауықтыру – «Оқжетпес» шипажайының негізгі бағыты. Кейінгі жылдары мұндағы емдеу шаралары да, сауықтыру бағдарламасы да қазақи нақышпен қанықтырылып жатқаны туралы жиі айтылып жүр.

Биыл шипажай «Kazakh Nomad Resort» тұжырымдамасы аясында ұлттық құндылықтарды дәріптеу арқылы халық медицинасын ұсынады. Оған: табиғи емдік шөптермен емдеу, қымыз терапиясы, киіз үйдегі релаксация кіреді. Одан бөлек, шипажай аумағындағы этно-ауылда әр бейсенбі қазанда пісірілген ыстық бауырсақ, садақ ату ұйымдастырылған.

Әр бөлме қазақи интерьермен сәнделген. Мұның бәрі – Kazakh Nomad Resort тұжырымдамасының бір бөлшегі. Қазақи стильде безендірілген бөлмелер, қымыз, бауырсақ, жент пен жаңа ұйытылған айран Kazakh Nomad Resort тәсілінің шипасына тән мен жанды қатар иландырады.

«Біз қазақ мәдениетінің ең бай элементтерін, дәстүрлерін қызметімізге, тамақ мәзіріне, бөлмелерді нақыштауға пайдаландық. Көл жағасындағы 100 метр сайын орнатылған тақтайшалар арқылы сейіл құра жүріп емдік серуенге қалай бойлап кеткеніңізді аңдамай қалуыңыз мүмкін. Қозы Көрпеш пен Баян Сұлудың махаббат хикаясы да осы тақтайшаларда бейнеленген. Әр тақтайша қазақ тарихының бір кезеңін суреттейді. Мұның бәрі тән мен жанды қатар емдеу үшін ойластырылған», — дейді «Оқжетпес» емдеу-сауықтыру кешенінің президенті Яков Стерлигов.

Ароматерапия және музыкалық терапия арқылы оңалту. Kazakh Nomad Resort тұжырымдамасының маңызды жаңалығы – киіз үй терапиясы. Санаторий аумағында психологиялық арылуға арналған киіз үй-бөлме жайғасқан. Келушілер киіз үйдің шипалы ауасымен тыныстап, денені босаңсытатын саз тыңдайды, медитация жасап, от тұтатып, оның хош иісінен ләззат алады.
⠀
Киіз үйде ыңғайлы дивандар мен креслолар, жағымды тыныштандыратын музыкасы бар жеке құлаққаптар және айналасында жағымды хош иіс орнатылған.

Сауықтыру демалысында кездескенше!
+7702-(059)-2020