Жаңалықтар

«Оқжетпес» ЕСК» АҚ Бурабай Мемлекеттік Ұлттық Табиғи паркін мерейтойымен құттықтайды!

«Бурабай» Ұлттық табиғи паркі – Қазақстанның інжу-маржаны, ғажайып таулы-тасты, қарағайлы орманды, тұнық көлді мекенде  орналасқан.

Парк құрылған 1898 жылдан бері 120 жыл уақыт өтті. Осы жылы Омбы төменгі орман мектебі «Бурабайға» көшіп келді және осы жерде қазынашылық орман құрылды.  Бұл оқиға орман шаруашылығының негізін қалады.

Шын жүректен мерейлі мерекемен құттықтаймыз!

Ерекше қорғалатын аумақты ұйымдастыру және сақтау кәсіби шеберліктің және жетік басқарудың куәсі, сіздердің еңбектеріңіз ерекше бағаланады!

Еліміздің байлығы – табиғатты қорғаудағы еңбектеріңіз бен күш-жігерлеріңіз тек мол табысқа жеткізе берсін деп тілейміз!

«Оқжетпес» ЕСК» АҚ-да «Халықаралық қарттар күніне»  арналған іс-шара өткізілді. Біздің қызметкерлеріміз еңбек ардагерлері мен мұқтаж қарт адамдарды мерейлі мерекемен құттықтап, құрмет көрсетті және азық-түлік пакеттерін табыс етті.

Құрметті Ардагерлер мен зейнеткерлер, Сіздердің даналықтарыңыз, үлкен кәсіби және өмірлік тәжірибелеріңіз – біздің Қоғам үшін мол байлық.

Біз Сіздерге  шексіз алғыс айтамыз!

«Астана» медициналық университетінде 5 қазанда «ҚР БҒМ «Ғылыми қор» АҚ, «Азия Су Компаниясы» ЖШС-нің  қолдауымен «Жеңіл су» – өмір сапасы мен ұзақ өмір сүру негізі. Теория және практика» Халықаралық ғылыми-практикалық конференция өткізілді.

Конференцияны ұйымдастырушылары– ҚР Қазақ тамақтандыру академиясының Тамақтану мәселелері институты және «Көкшетау минералды сулары» АҚ болды.

ҚР ПІБ Медициналық орталығы басшысының орынбасары А.Н. Дөкенов, ҚР Қазақ тамақтандыру академиясының Тамақтану мәселелері институтының директоры Е.Д. Даленов, сондай-ақ ҚР ДМ Қоғамдық денсаулық сақтау комитетінің Санитариялық-гигиеналық қадағалау басқармасының басшысы М.Т. Рахымжанова сөз сөйледі.

Конференция барысында Ресей Федерациясының, Венгрияның отандық және шетелдік ғалымдары баяндамалар жасады. Тұсаукесерлердің негізгі тақырыбы ауыз суға арналған дейтерийдің маңызы, организмнің биологиялық процестеріне төменгі детерийлі заттардың әсері, ВЖТД ауруларының дамуына әсері және т.б.

Конференцияға біріккен санаторийлерді таныстырумен, медициналық оңалту бөлімінің меңгерушісі Коноплева Любовь Васильевна қатысып, Бурабай кентіндегі «Оқжетпес» ЕСК» АҚ-ның радон мен минералды бұлақтарының пайдалы қасиеттеріне ерекше назар аударды.

6 қазанда конференцияның шетелдік қонақтары Бурабайдағы «Оқжетпес» сауықтыру кешенінде болды, онда шипажай қызметі, меншікті радонды бұлақпен таныстырылды. Сондай-ақ қонақтар үшін Щучинск-Бурабай курорттық аймағының көрікті жерлеріне экскурсия ұйымдастырылды.

Жапырақты күзде «Оқжетпес» ЕСК қызметкерлері дәстүрлі күзгі сенбілікке шықты.

Санаторий ұжымы белсенді және көңілді жұмыс істеді. Өйткені сенбілік  – бұл тек еңбек ету мен тазалау ғана емес. Бұл қарым-қатынас, эстетика, жақсы көңіл-күй, қоршаған ортаға қамқорлық, қонақтарымыздың жайлылығы және жас ұрпаққа керемет үлгі!

Осы іс-шараға қатысқандардың барлығына алғысымызды білдіреміз!

«Оқжетпес» ЕСК» өз қонақтарына емдеу және сауықтыру рәсімдерін әрқашан ұсынуға дайын. Енді емдеу бөлімі демалыс күндері де жұмыс істейтінін хабарлаймыз! Тіркелу қай күні түсетініне қарамастан, дәрігер сізді қабылдайды және емдеуді тағайындайды.

Емдеу-сауықтыру кешені төмендегілерді қамтиды:

• Мамандардың қабылдауы: терапевт, диетолог, отоларинголог.
• Емдік дене шынықтыру (Стрельников жүйесімен тыныс алу гимнастикасы, бодифлекс, тірек-қимыл аппаратының аурулары бар топ, скандинавиялық серуендеу, жеке жаттығу сабақтары);
• Минералды сумен, дәрілік препараттармен ингаляция;
• Ванналар (минералды, радонды, маржанды, төрт камералы, қылқанды);
• Душтар («Шарко» душы, су асты душ-массаж, өрлемелі душ);
• Балшықпен емдеу;
• Озокеритті-парафинді емдеу;
• Ересектер мен балаларға арналған галокамера;
• Қызыл иекті стоматологиялық суландыру;
• Оттегі коктейлі, фитотерапия;
• Физиотерапиялық емдеу және тағы басқалары.

Біз өзіміздің қонақтарымызға қызмет көрсетуді үнемі жетілдіріп отырамыз! Сіздерді «Оқжетпес» ЕСК-де сауықтыру демалысына күтеміз!

Бильярд спортын және салауатты өмір салтын насихаттау мақсатында Астанада «Зодиак» мәдени-сауық кешенінде Астананың 20 жылдығына арналған бильярдтан турнир өткізілді. Бұл сайысқа 8 команда, ҚР ПІБ Медициналық орталығының ведомстволық ұйымдарының өкілдері қатысты.

Бильярд – бұл уақытты қызықты өткізуге мүмкіндік беретін спорт, үнемі сергек жағдайда болу, салауатты өмір салтын сақтауға мүмкіндік береді. Өйткені жақсы дене дайындығы табысты және кәсіби жұмыс кепілі болып табылады.

Барлық қатысушылар өз шеберліктерін көрсетті. Қиын және ымырасыз күрес нәтижесінде «Оқжетпес» ЕСК»АҚ құрметті 1 орынға ие болды!

Шын жүректен спортшыларымызды осы жарыстағы жеңісімен құттықтаймыз!

«Оқжетпес» ЕСК» АҚ барлық қазақстандықтарды еліміздің ең маңызды мерекелерінің бірі – Қазақстан Республикасының Конституциясы күнімен құттықтайды.

Осы күні біз Мемлекет басшысының жүргізіп отырған сындарлы әрі дәйекті саясатының арқасында әлемдік картада -тәуелсіз держава Қазақстан Республикасының, ал әлемдік саясатта – «Қазақстанды дамыту жолындағы» жаңа тұжырымдаманың пайда болғанын түсінеміз.

Біздің Конституция – «Қазақстан-2050» Стратегиясының әлемнің ең дамыған 30 елінің қатарына кіруі жөніндегі тарихи мақсаттары мен міндеттерін жүзеге асырудың берік іргетасы.

Ұлт көшбасшысы – Н.Ә. Назарбаев бүкіл ел алдында индустриялық-инновациялық даму мен жаңа әлеуметтік саясатты іске асыруға бағытталған ауқымды мемлекеттік бағдарламаларды іске асыруда маңызды міндеттер қойды.

«Оқжетпес» ЕСК» АҚ ұжымы сіздерге және отбасыларыңызға денсаулық, бейбітшілік, еңбекте табыс және Отанымыздың игілігі үшін жаңа жетістіктерге жетулеріңізді тілейді!

«Оқжетпес» ЕСК» АҚ баршаңызды Құрбан айт мейрамымен құттықтайды.

Құрбан айт бұрынғы заманнан келе  жатқан  халықтар арасындағы достықты нығайтатын, мейірімділік пен қайырымдылықты бейнелейтін мереке.

Бұл мерекені қасиетті Рамазан айының аяқталуынан 70 күн өткеннен кейін бүкіл әлем бойынша мұсылмандар тойлайды. Құрбан айт мерекесінің қарсаңында туған-туыстарға  және достарға барудың ыңғайлы уақыты деп есептеледі, сыйлықтар беру, бұл күні жақсы іс-әрекеттер жасау және мұқтаж жандарға қолдау көрсету қажет.

Біздің мемлекетімізде Құрбан айт әртүрлі  этникалық топтар мен діндер арасындағы өзара құрметті, достықтың бірегей дәстүрлерін сақтап қалуға ықпал етеді.

Барлық Қазақстандықтарға  рухани игілік пен іскерлік, денсаулық пен гүлдену, отбасындағы бейбітшілік пен махаббат, барлық идеяларды іске асыруға  және қалаған тілектерінің  орындалуына  тілектеспіз.

Қазақстанның курорттық інжу-маржаны Бурабай көлі  қарағайлы және қайыңды жасыл алаппен қоршалған, суы мөлдір де таза. 29 шілдеде Бурабай көлінде «Burabay Swim 2018» жүзу жарысы өткізілді.

«Оқжетпес» ЕСК» АҚ іс-шараны ұйымдастырушылардың бірі ретінде қатысты. Жобаның басты мақсаты – салауатты өмір салтын насихаттау және туризмді танымал ету.

Жүзу жарысы 1 км және 4.5 км – 2 қашықтық бойынша өткізілді. Ашық жүзу жарысына 18 жастан бастап барлық тілек білдірушілердің қатысуына мүмкіндік берілді. Жүзу жарысына қазақстандықтар ғана емес, Ресейден және Украинадан келген қонақтар да қатысты.

Іс-шараны қауіпсіз өткізу мақсатында әрбір қатысушыға жеке құтқару қалқымалары берілді, жүзу уақытында жақын жерге қайықтар қойылды және Төтенше жағдайлар министрлігінің құтқарушылары кезекшілік етті.

Салаутты өмір салты  – ұзақ өмір сүрудің негізі. «Оқжетпес» ЕСК» АҚ-ның қызметі салауатты өмір салтын қадыптастыруға және насихаттауға, жұқпалы аурулардың алдын алуға, ауруды азайтуға және халықтың өмір сүру ұзақтығын ұлғайтуға бағытталған.

Сіздерді сауықтыру демалысында күтеміз!

Өткен аптада кеңестік және қазақстандық актер, театр және кино режиссері, сценарийші , оқытушы Асанәлі Әшімов және оның жұбайы Бағдат Әшімова бізде қонақта болды. КСРО Мемлекеттік сыйлығының лауреаты (1974). КСРО халық әртісі (1980). Қазақстанның Еңбек Ері (2017). М.О. Әуезов атындағы Қазақ Драма театрының сахнасында еңбек еткен уақытында 50-ге жуық рөлді сомдады, сонымен қатар «Экран шебері» атағына ие болды.

Асанәлі Әшімұлы, Сізбен кездескенімізге қуаныштымыз!