Вирустық пневмония – бұл өкпеге қатты әсер ететін ауыр ауру түрі. Қалпына келтірудің қажетті компоненттері – толыққанды ұйқы, таза ауада жиі серуендеу және дұрыс тамақтану. Асқазан-ішек жолын қатты жүктемей, тез сіңетін тағамдарды ғана тұтыну керек.

Қалпына келтіру кезеңінде ақуыз тамағы аса қажет. Мәселен: сүзбе, ірімшік, ет, бұршақ дақылдары. Онымен қоса, әрине, жемістермен көкөністер.

Пневмонияның ауыр асқынуларының бірі өкпе фиброзы болуы мүмкін. Өкінішке қарай, өкпеге пневмонияға дейін жұмыс істеуге көмектесетін дәрілер жоқ. Өкпе тінінің өзі қалпына келуі керек, біз оған физикалық қалпына келтіруге көмектесуіміз керек. Оған көп үлесін қосатын – тыныс алу гимнастикасы.

Пневмониямен ауыратындарға спортпен шұғылдануға бола ма?

– Бірден спортпен шұғылдануға болмайды, яғни бірден жүгіруге, жаттығуға, фитнес залға баруға болмайды. Өкпенің зақымдануы міндетті түрде ағзаның физикалық белсенділігі мен науқастың жұмысының төмендеуіне әкеледі. Оның орнына емдік массажы жақсы көмек көрсете алады.

Әсіресе атап өткім келетіні, стресс қалпына келтіруге теріс әсер етеді. Мазасыздық, жағымсыз эмоциялар асқынуды тудырады, қанның тұтқырлығын арттырады. Сондықтан көп нәрсеге алаңдамай, жақсы көңіл-күйде болу маңызды.

Витаминдер мен қосымша қоспаларды қабылдау оңалту процесін тездете ме?

– Қосымша дәрілер мен витаминдердің аса қажеті жоқ. Ең дұрысы, табиғи витамин. Таңқурай, қарақат, қарлыған – дәрумендердің қоймасы.  Олардың пайдасы басқа витаминдерге қарағанда, жақсырақ.

Коноплева Л.В. – «Оқжетпес» ЕСК емдеу-оңалту бөлімінің меңгерушісі.