Туған күніңмен, «Оқжетпес»!
Биыл аты аңызға айналған «Оқжетпес» шипажайына 55 жыл! Тарихы сонау 1965 жылдан бастау алатын шипажай ең алғаш 1966 жылдың 14 қаңтарынан бастап, «Ясная поляна» Климаттық санаторийі ретінде танымал бола бастады. Мерейтойлық күндерге орай, бүгін сіздермен емдеу-сауықтыру кешенінің тарихымен қысқаша бөлісуді жөн көрдік:
- 1965 жылы Әулиекөл (Бурабай) көлінің жағасында, қарағайлы орманда Оқжетпес тауының етегінде Целинный крайисполкомының және сол кездегі Тың өлкесінің аудандық мемлекеттік мекемелерінің қызметкерлері үшін шағын демалыс үйі салынды.
- 1966 жылы «Ясная поляна» шипажайы ретінде бір мезгілде 75 адамды демалуға қабылдай алатын климаттық шипажай ретінде танымал бола бастады.
- 2000 жылдардың басында санаторий толығымен қайта құрылып, жаңартылды.
- Ал 2011 жылдан бастап ол Қазақстан Республикасы Президенті Іс Басқармасы Медициналық орталығының «Оқжетпес» емдеу-сауықтыру кешені» акционерлік қоғамы атауын алды.
- 2006 жылы Андоррадағы сумен және климатпен емдеу Дүниежүзілік федерациясының Бас ассамблеясы санаторлық-курорттық емдеуді ұйымдастырудағы жетістіктері мен белсенді ғылыми қызметі үшін «Оқжетпес» санаторийіне “Әлемнің ең үздік курорты” марапатын берді.
- 2017 шипажайда «Шипажай-2017» ІІ Халықаралық форумы өтті
- 2017 жылдың 27 шілдеден бастап Қазақстан Республикасы Президенті Іс Басқармасы Медициналық орталығының емдеу-сауықтыру кешендері “Оқжетпес” брендімен бірыңғай желіге бірікті, оның құрамына Бурабай курорттық аймағындағы “Оқжетпес”, Алматы қаласындағы “Алматы Резорт” (қазіргі уақытта “Алматы” Оқжетпес”) және РФ Ессентуки курорт қаласындағы “Қазақстан” санаторийі кірді
- 2019 жылы «Оқжетпес» шипажайы «2019 жылдың үздік шипажайы» деген марапат алды.
«Оқжетпес» 55 жылдан астам тарихы бар бірегей шипажай. Кешен әр мерейтойын құрметпен қарсы алуға және әрі қарай шарықтап, дамуға дайын.
Мұның бәрі, әрине, біздің сүйікті қонақтарымыздың арқасында! Бізді таңдап, сенім артқандарыңызға мың алғыс!